Corc Kluninin həyat yoldaşı Beynəlxalq Cinayət Məhkəməsinə Qəzza zolağındakı vəziyyəti qiymətləndirməyə kömək edib

Kinorejissor, aktyor və fəal Corc Kluninin həyat yoldaşı, Livan əsilli britaniyalı vəkil Amal Qəzza zolağındakı vəziyyətlə bağlı Beynəlxalq Cinayət Məhkəməsinə (ICC) rəyin hazırlanmasında iştirak edib.

32gun.az xəbər verir ki, bu, mayın 20-də BCM-nin baş prokuroru Kərim Xanın bəyanatından məlum olub .
“Bu gün Fələstin Dövlətindəki vəziyyətlə bağlı Birinci Beynəlxalq Cinayət Məhkəməsinin İbtidai Palatasına həbs orderləri üçün ərizələr təqdim edirəm. Ofisim tərəfindən toplanmış və nəzərdən keçirilmiş sübutlara əsaslanaraq, İsrailin baş naziri Benyamin Netanyahu və İsrailin müdafiə naziri Yoav Gallantın Fələstin Dövləti ərazisində törədilmiş hərbi cinayətlərə və insanlığa qarşı cinayətlərə görə cinayət məsuliyyəti daşıdığına inanmaq üçün ağlabatan əsaslarım var”-deyə qeyd edilib.

Dəlilləri və hüquqi təhlilləri nəzərdən keçirmək üçün toplanan beynəlxalq hüquq ekspertləri arasında Xan Amal Kluni “beynəlxalq humanitar hüquq və beynəlxalq cinayət hüququ sahəsində böyük nüfuza malik ekspert” adlandırdı. Prokurorun sözlərinə görə, onun "müstəqil ekspert təhlili bu gün... İdarə tərəfindən verilən ərizələri dəstəkləyib və gücləndirib".
KİV aprelin sonunda ICC-nin İsrail rəsmiləri üçün həbs orderlərinin verilə biləcəyi barədə yazıb .
Ayxan