Məşhur musiqiçi aktrisaya evlilik təklifi etdi

Aktrisa Dakota Conson Coldplay qrupunun solisti Kris Martinin evlilik təklifini qəbul edib. 32gun.az xəbər verir ki, bu barədə Mirror məlumat verib .

34 yaşlı Dakota Conson və 46 yaşlı Kris Martin altı illik görüşdən sonra nişanlanıblar.

“Cütlük bu yaxınlarda nişanlanıb və xəbəri gizli saxlasalar da, indi öz çevrələrində nişanla bağlı açıq danışırlar. Onlar toyu planlaşdırmağa tələsmirlər, sadəcə olaraq öz çevrələrində rəsmi tanınmaqdan həzz alırlar”, - nəşrin insayderi bildirib.

Məlumatda, ulduzların ilk gündən bir-birlərinə aşiq olduqları üçün nişanın qaçınılmaz bir addım olduğunu da əlavə edilib.

Xatırladaq ki, Kris Martin aktrisa Qvinet Peltrou ilə 10 ildən çox evli olub . Ulduzların evliliyindən bir oğlu və bir qızı var. 2014-cü ildə cütlük ayrıldıqlarını elan edərək bunu "şüurlu" adlandırdılar və məhkəmə yalnız 2016-cı ildə tamamlandı. Daha sonra Qvinet Peltrou prodüser Bred Falçukla evləndi və musiqiçi Dakota Consonla görüşməyə başlayıb.

 Peltrou vurğulayıb ki, o, uşaqların ataları ilə görüşməsinə heç vaxt mane olmayıb və onlar həyatlarında bütün mühüm hadisələri birlikdə qeyd edirlər. Ötən ilin payızında aktrisa Dakota Consonla necə vaxt keçirdiyini nümayiş etdirib .

Nilay