Antonovun Kazandakı çıxışının ləğv səbəbi açıqlanıb

Yuri Antonov Kazanda keçirilən “Yeni Dalğa”da texniki səbəblərə görə çıxış etmədi

Rusiya Xalq artisti Yuri Antonov Kazanda keçirilən “Yeni Dalğa” festivalında səhnəyə texniki səbəblərdən çıxa bilməyib.

32gun.az xəbər verir ki, Yarışın mətbuat xidməti TASS-a açıqlamasında bunun onun sağlamlığı ilə bağlı olmadığını bildirib.

Bundan əvvəl Mash Teleqram kanalı müğənninin guya çıxışdan əvvəl təcili xəstəxanaya yerləşdirildiyi barədə məlumat yaymışdı. İddiaya görə, Antonov səhnə arxasında özünü pis hiss edib və təcili yardım maşını ilə xəstəxanaya aparılıb. Kanala görə, 80 yaşlı “Sənin evinin damı” hitinin ifaçısının təzyiqi ilə bağlı problemləri var idi. Xatırladaq ki, 2023-cü ilin iyununda da sənətçi ürək tutması səbəbilə xəstəxanaya yerləşdirilmiş, lakin evdə təmir işlərinə görə həkimləri onu vaxtından əvvəl yazmağa razı salmışdı.

Daha sonra Yuri Antonov özü Kazanda xəstəxanaya yerləşdirilməsi barədə xəbərləri təkzib edib. Onun sözlərinə görə, sağlamlığı “çox yaxşıdır” və hazırda hətta dişləri belə ağrımır.

Ayaz