Məşhur bəstəkar vəfat edib

Məşhur sovet, alman və amerikalı bəstəkar və aranjırovçu Yuri Çernavski 78 yaşında dünyasını dəyişib.

32gun.az xəbər verir ki, bu barədə məlumat musiqiçinin Facebook səhifəsində paylaşılıb.

Qısa xatırlatma:
Yuri Çernavski 1947-ci ildə Rusiyanın Tambov şəhərində anadan olub. O, saksafon, skripka, flüt və klavişli alətlərdə ifa edirdi. 1969–1973-cü illərdə Oleg Lundstrem və Leonid Utyosov orkestrində çıxış edən Çernavski, 1973–1975-ci illərdə isə Müsəlman Maqomayevin rəhbərliyi altında Azərbaycan Dövlət Estrada Orkestrində çalışıb.

1976-cı ildən o, caz-rok və yeni dalğa janrlarında fəaliyyət göstərərək “Fantaziya”, “Qırmızı kəkil”, “Xoşbəxt uşaqlar” ansamblları və “Karnaval” rok qrupu ilə əməkdaşlıq edib. 1981-ci ildə “Dinamik” rok qrupunu yaradıb.

1980-ci illərdə Yuri Çernavski Sovet ulduzları — Alla Puqaçeva, Valeri Leyontyev və Mixail Boyarski ilə əməkdaşlıq edib. O, “Zurbagan”, “Marqarita”, “Ağ qapı” kimi 200-dən çox məşhur mahnının müəllifidir, həmçinin “Banana Adaları” adlı rok-albomu ilə tanınır.

Bəstəkar 20-dən çox cizgi filmi üçün səs musiqisi yazıb və Aleksandr Tatarski və İqor Kovalev ilə “Koloboklar təhqiqat aparır” animasiyasının yaradıcıları ilə əməkdaşlıq edib. 1986-cı ildə o, “Rekord” adlı SSRİ Populyar Musiqi Studiyasını qurub. 1994-cü ildən Yuri Çernavski Los-Ancelesdə yaşayaraq musiqi biznesində fəaliyyətini davam etdirib.

Nilay