Ulduz falı, yoxsa enerji təlimləri?

Son dövrlər insanların maraq göstərdiyi mövzulardan biri də metafizik inanclardır.

32gun.az bu barədə araşdırma aparıb:

Ulduz falının təsiri - Enerji təlimləri nə vəd edir? 

Fal əyləncə xarakterli qəbul edildikdə təhlükəsizdir, lakin həyat qərarlarını buna bağlamaq risklidir.

Bəzi təlimlər motivasiya versə də, elmi əsasdan uzaq olanları psixoloji asılılıq yarada bilər.

Risklər nələrdir?

Şəxsi məsuliyyəti kənara qoymaq və hər şeyi “enerji” ilə izah etmək təhlükəlidir.

Psixoloq Kamandar QanƏliyev 32gun.az-a açıqlamasında bildirir ki, ulduz falı və enerji təlimlərinə maraq əsasən insanların qeyri-müəyyənlikdən qaçmaq istəyi ilə bağlıdır. Onun sözlərinə görə, “insan öz qərarlarını fal və ya enerji adı altında başqalarına həvalə etdikdə psixoloji zəiflik formalaşır. Bu zaman fərd məsuliyyəti üzərindən atır və həyatındakı uğursuzluqları xarici, nəzarətdənkənar amillərlə izah etməyə başlayır”.

Psixoloq vurğulayır ki, xüsusilə enerji təlimləri adı altında təqdim olunan bəzi proqramlar insanlarda süni ümidlər yaradır: “Elmi əsaslara söykənməyən bu yanaşmalar qısa müddətli motivasiya versə də, uzunmüddətli perspektivdə psixoloji asılılıq və reallıqdan uzaqlaşma riski yaradır. İnsan problemlərini həll etmək əvəzinə, onları ‘enerji blokları’ və ya ‘kosmik təsirlər’lə əlaqələndirir”.

K.Əliyevin fikrincə, ən təhlükəsiz yol metafizik mövzulara əyləncə və ya mədəni maraq çərçivəsində yanaşmaqdır: “Əgər insan ulduz falını oxuyursa, bunu həyat bələdçisi kimi yox, sadəcə maraqlı məlumat kimi qəbul etməlidir. Psixoloji sağlamlıq üçün əsas olan rasional düşüncə, şəxsi məsuliyyət və real dəstək mexanizmləridir”.

Nilay