Bioloji Müxtəlifliyin Qorunması Xidmətində satınalma ləğv edildi

Azərbaycan Respublikasının Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidməti tərəfindən keçirilən “Plastik lövhə (Birka)” satınalınması ləğv edilib.

32gun.az xəbər verir ki, , satınalma prosedurunun ləğv edilməsinə səbəb iştirakçı sayının qanunvericilikdə nəzərdə tutulan minimum tələbi ödəməməsi olub. Belə ki, satınalmada iştirak etmək üçün təklifi və təklifin təminatını təqdim etmiş, eyni zamanda tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olub.

Ləğv qərarı “Dövlət satınalmaları haqqında” Azərbaycan Respublikası Qanununun 36.1.1-ci maddəsinə əsasən qəbul edilib. Həmin maddəyə görə, tender və ya kotirovka sorğusu zamanı uyğun təchizatçıların sayı üçdən az olduqda satınalma proseduru ləğv edilə bilər.

Qeyd edək ki, sözügedən satınalmanın ləğv edilməsi ilə bağlı qərar 15 yanvar 2026-cı il tarixində, saat 09:42-də rəsmiləşdirilib. Satınalmanın gələcəkdə yenidən elan olunub-olunmayacağı ilə bağlı isə hələlik əlavə məlumat verilməyib.

Ayaz